VIII Beynəlxalq Türk Dünyası Təbiət Elmləri və Mühəndislik Konqresi (TURK-COSE 2026) 03–05 dekabr 2026-cı il tarixlərində Ahmet Yesevi Universitetinin (AYU – Türküstan/Qazaxıstan) ev sahibliyi ilə əyani və onlayn formatlarda keçiriləcəkdir. Konqres Niğde Ömer Halisdemir Universiteti (NOHU – Niğdə/Türkiyə), Ahmet Yesevi Universiteti (AYU – Türküstan/Qazaxıstan), Biznes və Texnologiya Universiteti (UBT – Priştina/Kosovo), Qırğızıstan-Türkiyə Manas Universiteti (KTMU – Bişkek/Qırğızıstan) və Azərbaycan Texniki Universitetinin (AZTU – Bakı/Azərbaycan) əməkdaşlığı ilə təşkil olunur.

TURK-COSE 2026 əsasən İnformasiya və Telekommunikasiya Texnologiyaları, Təbiət və Tətbiqi Elmlər, Fizika və Texniki Elmlər, Tikinti Texnologiyaları, Nəqliyyat və Energetika, Mühəndislik Tətbiqləri, həmçinin Tibb və Səhiyyə Elmləri sahələrində müasir elmi və texnoloji inkişaflara həsr olunmuşdur.

Prof. Dr. Murat Barut, NOHU Həmsədr,

Prof. Dr. Sübhan Namazov, AZTU Həmsədr,

Prof. Dr. Ercan Çelik, KTMU Həmsədr,

Dr. Besian SINANI, UBT Həmsədr,

Dr. Aiman Abibullayeva , AYU Həmsədr.

Türkcə ətraflı məlumat və məruzə göndərmək üçün buraya klikləyin.

Qazax dilində ətraflı məlumat və məruzə göndərmək üçün buraya klikləyin.

Azərbaycan dilində ətraflı məlumat və məruzə göndərmək üçün buraya klikləyin.

Qırğız dilində ətraflı məlumat və məruzə göndərmək üçün buraya klikləyin.

Arnavut dilində ətraflı məlumat və məruzə göndərmək üçün buraya klikləyin.

İngilis dilində ətraflı məlumat və məruzə göndərmək üçün buraya klikləyin.

MÜHÜM QEYDLƏR:

• TURK-COSE 2026 konqresinin rəsmi dilləri: Türk/ Qazax/ Qırğız/ Azərbaycan /İngilis/ Rus dilləridir.
• Ən azı 5 müxtəlif ölkədən məruzəçilərin iştirakı ilə ƏYANI + ONLAYN təqdimatlar keçiriləcəkdir.
• Qəbul edilmiş, qeydiyyatdan keçmiş və təqdim olunmuş məruzələrin tam mətnləri və xülasələri müvafiq olaraq ISBN nömrəli Konqres Materialları Kitabında (BOOK OF PROCEEDINGS) və ISBN nömrəli Konqres Xülasələr Kitabında (BOOK OF ABSTRACTS) nəşr olunacaqdır.
• TURK-COSE 2026 Təşkilat Komitəsi tərəfindən seçilmiş ingilisdilli məruzələrin genişləndirilmiş və ya yenidən işlənmiş variantları ekspertiza prosesindən sonra aşağıdakı elmi jurnallarda nəşr olunmaq üçün tövsiyə ediləcəkdir: Mathematical Modelling and Numerical Simulation with Applications (SCOPUS və TR Dizin indeksli), Bulletin of Biomathematics (TR Dizin indeksli), MANAS Journal of Engineering (TR Dizin indeksli), Manas Journal of Agriculture Veterinary and Life Sciences (TR Dizin indeksli), Eurasian Journal of Science, Engineering, and Technology (Crossref indeksli).
• Konqresdə iştirak haqqı: 20 ABŞ dolları (əyani iştirak) və 10 ABŞ dolları (onlayn iştirak).